洪卓立（Ken）及吴浩康（Deep）到电视城录影《娱乐大家》，两人表示来前有恶补玩游戏，彩排又玩了几铺，问到与汪明荃同场可会紧张？Deep笑言：“见到已经紧张，头先彩排大家好多声音，言词好尖锐，但阵间录影大家见到阿姐呢啲应该都会冇晒。”讲到工作，Ken透露现时拍紧剧集《逆天奇案》，客串两、三集，上几星期拍摄正午踩单车戏份更中暑：“冇谂过会咁晒，仲要系着住绒卫衣，冇谂住自己会中暑，真系太热，成条底裤都湿晒，换衫黐立立。（有冇换底裤？）冇呀！冇谂过会咁甘，之后仲要入去电视城做嘢。”

Deep就透露12月30日会在麦花臣开骚，问到可会因社会情况可能会取消演唱会而做定准备？他表示：“依家呢个时势冇得唔准备，要确保番观众安全，交畀大会决定点样。（提早下午开骚？）都ok。”讲到Ken之前演唱会因社会情况已取消，问到何时会补办？他表示：“未倾到住，因为嚟紧三个月我都要做演员。”Deep笑言问可不可以做Ken的演唱会嘉宾，Ken即笑言：“应该系你开先，如果你请我我就请你啦。”

菊梓乔（Hana）到电视城录影《娱乐大家》节目，笑言被郑裕玲称呼“乔妹”，但叫大家叫番佢做“梓乔”，这个感觉较好，问是不想被称呼“菊姐”？她说：“因为真系唔系菊姐。（叫你做“菊一姐”先啱？）唔系，我做细。”她谈及新歌《逆光飞翔》，希望可以找到心爱的人携手追光延续爱，又想找个人跟她一起看北极光：“好浪漫，呢啲系要同男朋友一齐去嘅。（咁你搵到‘追光男’？）希望可以有人肯陪我睇啦，因为我就嚟生日，到时会同Fans一齐玩。”

问生日愿望可会想找到男友？她说：“我想有人锡我、对我好。（同张景淳之后几耐冇拍拖？）嗰个传闻啫，依家工作梗系排第一，如果迟啲有时间咪SpeedDating（极速约会）啰，我OK，因为大家摆明系想结识异性。（交友App呢？）嗰啲好恐怖，有晒大家资料好明目张胆，SpeedDating可以见到真人。”

讲到择偶条件，她笑言极高要求：“系好人，个心唔会存有一点唔好嘅嘢，就好似BB咁简单，同埋锡我。（样呢？）最紧要顺眼就得。（细过你得唔得？）年纪从来唔系问题，总之唔好有女朋友或老婆，呢啲都难，因为我呢个年纪可以匹配嘅好多都结咗婚或已经有稳定嘅另一半。”

◆文章图片来源转自于网络

◆本号声明：如有侵权，请联系我们进行删除，小编只是内容的搬运工，如有错别字敬请谅解！